1.02.2018

Uzun Bir Aradan Sonra...Salam

       Uzun bir aradan sonra-Salam.

       Deməli belə hardan başlamaq lazımdır onu da qərarlaşdırmamışam.Komputerin qarşısına keçərəm çətini başlamaqdır prinsipi ilə davam edirəm :)






 
       Səhv etmirəmsə sonuncu yazımı 2 il əvvəl yazmışam.Bu qədər uzun müddətlik ayrılacağımı düşünmürdüm amma yazılarım arasındakı məsafənin getdikcə uzamasının buna gətirib çıxaracağı bəlli idi. Nəsə mövzuya biraz depressiv başladım hərçənd daha müsbət əhvali ruhiyyə ilə başlamağı planlaşdırırdım :) Çox güman ki etdiyim məsuliyyətsizlik ya da sevdiyim bir şeyə qarşı laqeyidliyimdən dolayıdır.


   2 il müddətində bəzi yeniliklər baş verdi.Həyatımı yeni bir ailəyə, yeni bir ölkəyə daşıdım.







     Yəqin çoxlarında olur bəzən məşğul olmaqdan həzz aldığın şeylərdən bir müddət məşğul ola bilməmək və s.Depressiya olduğunu düşünmürəm  özünü inkişafla bağlıdır,bəlkə də zamanla ... Belə bir söz var "həyatdan aldığın həzz marağın qədərdir". Əsas odur maraq dairəmiz geniş olsun :)

   Bu 2 illik aradan sonra bloga yenidən  başlamağa qərar verməkdəki ən əsas səbəbim yeni həyata,ölkəyə alışma prosesimi və bu prosesin necə getdiyini , yeni mövzularımı ,təcrübələrimi bir yerlərdə qeyd etmək,bölüşmək ehtiyacıdır.Bu müddət ərzindəki boş zamanlarımda bir çox şeyi nəzərdən keçirdim.Bir çox film ( :) ) izlədim,musiqi dinlədim, gəzdim, təcrübə yaşadım . Və artıq blogumdayam :)Blogda bir qədər dəyişiklik etmək haqqında düşünürəm.Mövzulari biraz genişləndirib  foto və səyahət,və əlbəttə fimlər ,musiqilər qısası hərşey haqqında hərşey :)
 
   Səhifəmi bu qədər zaman sonra yenidən görmək uzun səyahətdən sonra doğma evimə qayıtmaq kimi oldu :) .Evdə heçbir dəyişiklik yoxdur,dəyişən sən və baxış bucağındır.


    Önsöz bölümümü bitirirəm.Növbəti hissədə görüşərik.:)
   

 


    

7.03.2016

Last King Of Scotland - Şotlandiyanın Sonuncu Kralı (2006)




     
"Bura Afrikadır.Şiddətə şiddətlə cavab verməlisən.Yoxsa öləcəksən."

     Son zamanlar  filmlərin əksəriyyəti tarixi hadisələr,gerçək olaylar,bioqrafiyalar üzərinə çəkilir. Elə 2015ci ildə filmlərin bir çoxu bu janrlarda idi və 2016cı ilin oscarını götürən filmi də  Katolik kilsələrinin uşaq istismarlarından bəhs edən Spotlgiht filmi oldu.Film haqqında daha ətraflı başqa bir postda yazmağı düşünürəm.

      Bu gün isə  bioqrafiyalara maraq saldığım vaxtlarda izlədiyim  Ugandalı İdi Aminin diktatorluğu dövründəki hadisələr əsasında çəkilmiş "Last king of Scotland" filmindən danışacağam.




     Tibb Universitetindən yeni məzun olmuş şotlandiyalı gənc  Nikolas Garrigan yeni macəralar yaşamaq, öz həkimlik təcrübəsinə başlamaq üçün Uqandaya yola düşür.Uqandaya gəldiyi qısa müddətdən sonra qəza nəticəsində ölkənin başçısı İdi Aminlə tanış olur.Şotlandiyaya qarşı xüsusi sevgisi olan və gənc həkimin xarakterindən təsirlənən İdi Amin, Nikolasa onun şəxsi həkimi olmağı təklif edir və beləliklə Nikolas təklifi qəbul edərək özünün də təsəvvür etmədiyi dövlət məsələlərinin içinə düşür.İlk zamanlar bu cür vəziyyət xoş olsa da daha sonra Nikolas özü də bilmədən  hakimiyyətin yaratdığı cinayətlərin ortağına çevrilir.Və burdan geri qayıtmaq  heç də asan deyil.
     


     Filmdə Afrikaya,hakimiyyət oyunlarına,insanların acınacaqlı həyatına avropalı birinin gözü ilə baxırıq və onunla birlikdə baş verənləri zamanla dərk edirik.

      Nikolas Garrigan xarakteri filmə Giles Fondanın romanından uyğunlaşdırılmışdır.Ancaq bu obrazı yaradarkən yazıçının ilham aldığı Robert Bop Astles adlı gerçək biri həqiqətən də var imiş.

      Filmin sonunda Nikolas özünü xilas edə bilir,tamaşaçı buna sevinir bəlkə də amma bu, hakimiyyətin,diktatorluğun orda hələ də canlar aldığı,insanları istismar etdiyi gerçəyini dəyişmir.Və biz də Nikolasla birlikdə təyyarədən Uganda torpaqlarına son bir dəfə baxırıq.
      Rejissor gerçək hadisələrin işığında, uydurulmuş ssenari ilə bizə tam olaraq İdi Amin və hakimiyyəti haqqında fikir verməsə də filmdən sonra mütləq araşdırmaq istəyi yaradır.




     Film bitdikdən sonra yadda qalan  Forest Whitakerin mükəmməl aktyorluq ifası ona elə həmin ilin oskarını gətirib.Film bir çox kinofestivallarda da mükafatlarını alıb.






 -"Qorxusunu göstərən bir adam zəifdir və kölədir."

-"Ölməkdən qorxursunuzsa, qorumağa dəyər bir həyatınız var deməkdir."

-"Ölməlisən amma ölməyəcəksən.Yoxsa burda baş verənləri dünyaya izah edə bilməzsən .Sənə inanacaqlar çünki sən ağ dərilisən."



   Bioqrafiya və tarixi sevirsinizsə mütləq izləyin.

  İMDB 7,7/10
   
     





5.02.2015

Ölmədən Öncə Görsəydik Ölməzdik :) Part 2



   Növbəti Ölmədən Öncə Görməli postumla qarşınızdayam dostlar. Birinici hissəni oxumaq üçün Buradan daxil ola bilərsiniz.İkinici hissədə isə bizi daha gözəl yerlər gözləyir :) Beləliklə...




Zermett,İsveçrə



Zermatt,İsveçrə-Zermatt İsveçrənin ən məşhur dağçılıq və xizək sürmə mərkəzlərindənn biridir.Turistik bölgə olduğu üçün qəsəbənin əsasını otellər və qonaqlar üçün evlər təşkil edir.İlin 4 fəsli üçün də əlverişli ,gözəl təbiəti var lakin əsasən qış aylarında turistlər daha çox olur.Odur ki getmək istəsək gərək aylar öncədən rezervasiya etdirək :)




  
Manarola,İtaliya


   Manarola,İtaliya-İtaliyada yerləşən ən məşhur qəsəbələrdən biridir.Sadə qəsəbə evlərinin maraqlı düzülüşü və mühiti ilə hər il çoxlu turist cəlb edir özünə.Qəsəbədə şose yolu yoxdur.Sadəcə tunellər açılmış dəmiryolu ilə kənd,qəsəbələr arasında nəqliyyat istifadə olunur.Hə bir də qayıqlar...




Damuls,Avstriya



Damuls,Avstriya-Qış aylarının ən gözəl yaşandığı yerlərdən biri daha-Damuls.Xizək sürmə üçün ən yaxşı mövsüm istrahət mərkəzlərindən biridir.Burada istrahət etməyi düşünənlər isə mütləq aylar öncədən otellərdə yer ayırtmalıdır.Nağıllar aləmindən bir hissəyə oxşayır.





Xinyi,Çin


Xinyi,Çin-Qeyri-adi dağların əhatəsində mükəmməl tətil üçün ən vaz keçilməz qəsəbələrdən biridir.Hər mövsüm öz gözəlliyi,təbiəti ilə müxtəlif mənzərələrə ev sahibi olan Xinyi subtropik iqlimdə yerləşir.




Sirakava -Go,Yaponiya


Sirakava-Go,Yaponiya-Sirakava Go Honshu adasında ucqar dağ rayonunda yerləşən tarixi kənddir.UNESCO-nun dünya miras siyahısında yer alan Yaponiyanın məşhur kəndi digər bölgələrdən daha uzun qış yaşayır.Buradakı binalar xüsusilə ipəkçiliklə məşğul olmaq üçün uyğunlaşdırılmışdır.Tarixi evləri,gözəl qış mənzərəsi ilə bu kənd hər il bir çox ölkələrdən turist cəlb edir.
    
    Hər dəfə bu yerlər haqqında oxuduqca lap o yerlərə getmək istəyirəm)))Ümid edirəm alınar))

   Daha bir postun sonuna gəldim.Tezliklə növbəti yazılarda görüşənədək :))

1.01.2015

Eskisi Kadar Özlemiyorum Seni...


  

   Bu şeri o qədər sevirəm ki...Sizinlə də bölüşüb bu seviləsi şeri sizin də dinləməyinizi,oxumağınızı istədim ...








Eskisi kadar özlemiyorum seni,
Ve ağlamıyorum olduk olmadık zamanlarda.
Adının geçtiği cümlelerde, gözlerim dolmuyor.
Yokluğunun takvimini tutmuyorum artık.
Biraz yorgunum.
Biraz kırgın.
Biraz da kirletti sensizlik beni!
Nasıl iyi olunur henüz öğrenemedim ama
“İyiyimler” yamaladım dilime.
Tedirginim aslında, seni unutuyor olmak,
Hafızamı milyon kez zorlamama rağmen yüzünü hatırlayamamak korkutuyor beni.
Gel diye beklemiyorum artık,
Hatta istemiyorum gelmeni.
Nasıl olduğun konusunda ufacık bir merak yok içimde.
Arasıra geliyorsun aklıma, banane diyorum.
Benim derdim yeter bana banane!
Alıştım mı yokluğuna?
Vaz mı geçiyorum, varlığından?
Tedirginim aslında,
Ya başkasını seversem?
İnan o zaman seni hayatım boyunca affetmem.

Özdemir Asaf




P.S Video mənə,səsləndirmə isə həvəskar olaraq rəfiqəmə aiddir :))

31.12.2014

İti Addımlarla 2015ə :)





     Blogum 2-ci Yeni İlini qeyd edir :) Həmişə il sonu ətrafımda soruşulur ya da deyirlər ilin necə keçdiyini.Kimisi üçün yaxşı,kimisi üçün pis və s. Amma bu suala heç vaxt cavab verə bilməmişəm.İlimin mənə nə gətirdiyini və nə apardığını,uğurlarımı,sevinclərimi,kədərlərimi heç vaxt il sonunda toplayıb " hmm bu il mənim üçün uğurlu oldu " deyə fikirləşməmişəm.Yeni də olsa hər il kimi bunun da sonu var.Xoşbəxt yaşamağı arzu etmək bunun arzularda olduğunu düşündürür mənə həmişə. Xoşbəxt yaşayın dostlar.
     Kaşki heç bitməsin deyəcəyimiz illər bizim olsun.Hədəfimiz nə olursa olsun...Hüzurlu,uğurlu bol təbəssümlü illərəə.Bayramınız Mübarək :))